مییانالیلارا بؤیوک بیر اهانت !! - مهدی عراقلوئی
منبع : مهدی عراقلوئی

متن شماره 1: مییانالیلارا بؤیوک بیر اهانت !!بازدید کننده : 538 نفر

اؤتن گون مییانا شهردارینین استیضاحینین گونوایدی

آنجاق نه لر بو ییغینجاق دا گئچیریلدی؟؟

ان اؤنملی اولای لاردان بیری شورالارین 3 اؤیه لرینین گلمه مگ ایدی.

بو اولایین نده نین آچیقلاماق گرکدیر.نده ن 3 شورا بو ییغینجاق دا ایشتیراک ائتمدیلر؟؟

اؤنجه بو قونو اؤنملی دیر کی بو حاضیر اولماماق مییانالی لارا بؤیوک بیر توخونج اولاراق,باعیث اولدو مییانالی لارین بیر چوخو شورالارایله یاناشی دیللنمک لرین گؤستردیلر.

آنجاق شورالارین بیری (ابوالقاسم زاده) بو سایین شورالارین گلمه مک لرینین نده نین بئله آچیقلاییر:

شورالار باشچیسی (شیویاری)گئچمیش ییغینجاق دا اوردا اولان مییانالی لارین حوضوروندا سؤیله ییب کی بو اوتورومو شهردارین حاضیر اولماماغی اوچون تیر آیینین 13 نجی گونونه ساخلاییریق.

ان ماراغلی اینجه سؤز بودور کی شیویاری اؤزو بو ییغینجاغا گلمدن,قاپلارین هامیسین آچارلاییب و تیکینتی نین گؤزتچی سینه کیمسه نین توپلانتیدا ایشتیراک ائتمسینه حاققی اولمادیغینی تاپشیریر.

نئجه کی بیلیرسینیز یاسا(قانون)دا شورالار باشچی سینا بو ایجازه وئریلمیر کی شورا اوتورومون اؤز باشینا تعطیل ائدسین.

داها ماراغلی اولای لاردان بیری بیر پارچا یازیسی ایدی کی بیر ساعات استیضاح دان قاباق شورالار تیکینتیسی نین قاباغیندا وورولموشدور.بو پارچانین اوستونده کی یازیلار بو قونونو بللی ائدیردی کی پارچا یازیسی استیضاحین قارشی سیندا دوران شورالار طرفیندن ایدی.

آنجاق بو ایشلرین آرخاسیندا کیم لر دوروب؟؟

ساده جه  گئچیریلن ییغینجاق یئنی دن سورغو سوروشماق مییانالی لار طرفیندن وبیر سیرا اؤنری(پیشنهاد) وئرمک جلسه سینه چئوریلدی.

بیر سیرا شورالاراؤز چیخار(منافع)لارین گؤز اؤنونه آلاراق اوتوروم دا حاضیر اولمادان شورالار و هابئله مییانالی لارین اؤزلوک لرینه ایهانت ائتدیلر.

بو ایشلردن بئله سونوج آلماق اولار کی کیمسه مییانانین چتینلیک لری ایله تانیش دئییل و هر کس اؤز چیخارینین دالیسینا قاچیر.

ریجا ائدیریک سوروملو(مسئول) لاردان بئله ایهانت لرین قارشی سیندا دایانسین لاروکیمسه نی  گؤزدن گئچیرتمدن ساده جه مییانا شهرینه اؤنم وئرسینلر.

بوندان بری اوماجاغیمیز وار کی مییانامیزی هر یئردن اوستون و باش اوجا گؤره ک.



ترکجه : 1390/4/14 - 19:59:34
ننگ اولسون سیویراینن اومیدیا کی بو جور میانا میلتینا یهانت ایدوبلر


: 1390/4/14 - 21:12:40
ساغ اول مهدی بی.اللرینیزه ساغلیق
منجه مییانا قدر دارما-داغین بیر شهر ائله مییانانین اؤزودور.گؤزوموزو آچاندان بوتون خییابانلار سؤکولور صاباحیسی دولدورولور گینه بیریسی گون سؤکولور.آغالارین سیمان جدوللری ساتیلسین دئیه گونده بیر یئری داغیدیللار.بیزیم مملکتده تخصصدن اؤنملی تعهد یئر آلیر.یاغلی "بلی قوربان"دئسن یئرین برک اولار.
البته بونو دا آرتیرمالییام کی مییانالی لارین بیر چوخو محافظه کار آدامدیلار.ایسته مزلر بیر ایشین قاباغینا دوشسونلر.
بو میللتین جسارتین الیندن آلیبلار.جسارت اولسایدی شورا و یا شهردار مگر جرات ائلردی ایشتیباه ایش گؤرسون.
ساغ اولون.


حسن : 1390/4/14 - 21:22:57
من باشا دوشمه دیم ! مگر شهرداری نی شورا اویه لری استیضاح ائتمیردیلر؟ پس ندن اوزلری گلمه دیلر؟ اولمیا بو آرا دا اوز چیخارلارینا یئتیشبلر؟


ترکجه : 1390/4/14 - 22:38:20
ننگ اولسون شیویارینن آریامنیشا و خانوم اومیدیا کی بو جور میانا میلتینا ایهانت ادیبلر


بهزاد : 1390/4/14 - 23:48:09
شورایا اؤزوموز رأی وئرمیشیک، دئمک اؤزوموز اؤزوموزه توهین ائتمیشیک!
عراقلویی جنابلاری! چکدیییز زحمته گؤره سیزدن تشکر ائدیرم.


سعید : 1390/4/15 - 12:07:15
توت الیمی توتارام الینی
دای دئمیرلر کی
ال اله ییخیلارلار !!!!!!!!


شانلی ساعات : 1390/4/16 - 12:29:49
شنبه گونی 18/04/90 ساعات 6 دا هامیمیز شورانین علنی یيغيناجيغیندا بو متخلف شهردارین استیضاح برنامسیندا شیرکت ایلیاجاخ


استفاده از مطالب این سایت با ذکر منبع بلامانع است.
درج مطالب نویسندگان به منزله تأیید آن نیست. 0s