اوستاد خاماچی : میانانین کندوان ماحالی بهشتین بیر پارچاسی دیر - محمدصادق نائبی
منبع : محمدصادق نائبی

متن شماره 31: اوستاد خاماچی : میانانین کندوان ماحالی بهشتین بیر پارچاسی دیربازدید کننده : 883 نفر

دونن نئچه آیدان سونرا منیم ایچین بیر توفیق اولدو اوستاد خاماچی نی کسالتیندن سونرا یاخیندان گؤروش ائدم. اوستاد چوخ ساغ و چاغ ایدی.

خاماچی جنابلاری میانانین کندوان ماحالیندان سؤز آچیب اورانی بهشتین بیر پارچاسی ساندی.

تبریزین شهر شوراسینین عضوی ، اوستاد خاماچی، آذربایجانین آدلارینین تحریفیندن و فارسجایا دؤندرمه گیندن گیلئیله نیب بوتون آذربایجان یئر آدلارینین قاییدیشین ایسته دی.

قوجامان خاماچی، میانانی اسکی شهر بیلرکن اونون اسکی تاریخی اثرلریندن یوکسکلی آد آپاریب میانانین آدلیملارین احتراملا خاطیرلادی.

اوستاد خاماچی 75 یاشیندا دی و تبریز بیلی یوردوندان تاریخ جغرافیا لیسانسین آلیب و 50 ایلدی آذربایجانین تاریخینه و جغرافیسینه چالیشیر. بو قوجامان اوستادا اوزون عؤمور دیله ییریک.

 



حسین نقیلو(naghiloo )1388/10/18 - 00:08:54
اویرنجیلیک چاغیندا بیر اوستادیمیز واریدیر کی همشه بو اولو کیشی دن یاخشلیق لا یاد ائله ییب و اونون کیمی انسانی ، تبریز شهر شوراسی نین تاریخینده تایسیز بیلیردی.تانری اونا و ها بئله آنا یوردوموز اوغروندا چالیشانلارا عومور وئرسین.


حسن : 1388/10/18 - 20:08:01
نائبی بی،
سیزی ساغ اولوز که بو یاشایش طرزیله(بویوکلره،عالملره و مریضلره باش وورماقلا)اوزوندان کیچیکلره هچ بلکه اوزوندان یاشلیلارا دا دوزگون یاشاماغی اویره دیرسن .تانری سنه ده جان ساغلیغی وئرسین.
آما اگر اوستاد خاماچی، تبریزین شهر شوراسینین عضوین بیر دفه ده گورسن اونا بویوروز بیز سندن ده چوخ آذربایجانین آدلارینین تحریفیندن و فارسجایا دؤندرمه گیندن گیلیلیییک و اصلینده بیز گلیئیمیزی سنه دئمه لیییک . لطفا تبریزین شهر شوراسیندا بو آدلارین گئری و اصلینه قاییتماغینا رای وئریز تا هر شئی دوزلسین سونرا نه بیز سیزدن گلئیلی اولاق و نه سیزده بیلمیرم کیمدن!
...................................................
محمدصادق نائبی: حسن بی! گلن جمعه اوستاد خاماچی نین ناهارا قوناغام و بو گیلئیینیزی قوللوغونا یئتیره جه یم آمما یادینیزدا اولسون دات کام دا بو خبری یایدیم کی تبریزین شوراسی تصویب ائدیب تحریف اولونموش یئر آدلارین دوغروسونا قایتارسین. بو مصوبه نین اؤنونده خئیلی مخالفتلر گؤرونوب آمما آنجاق بو تحریف اولونموش نئچه مین ایللیک آدلار یئرینه قاییداجاق. گؤرورسونوز اوستاد خاماچی اؤز چالیشماسین و غئیرتین گؤسته ریب. خاماچی نین بو ایشی (اجرا اولونسادا ـ اولونماسادا) بیزه چوخ اؤنملی و ارکلی دیر.


حسن : 1388/10/19 - 14:47:49
نائبی قارداشیم،
سنین ده و اوستاد خاماچی نیندا اللرینیز آغریماسین،قلمینیز شمشیر کیمی کسرلی اولسون. نئجه کی ایلک یازیمدا دئمیشدیم من سیزین بو سایتینیزی کئچن اوروجلوغدان سونرا گوردیم و قاباغکی سایتینیزداندا خبریم اولماییب. هر حالدا عفو ائدرسینیز .گیلئیلیگیمی ده گئری آلیرام و اوستاد خاماچی یا دا اوزاقدان باش اییرم و اللریندن اوپورم . لطفا منیمده سالامیمی اوستادا یئتیر.
ضمنا بیلمیرم بو آدلارین اصلینه و دوغروسونا قاییتماغینین مخالفی کیملردیلر؟ اونلارین قوندارما آدلاردا نه منافعلری وار؟ حتما نئچه ایل بوندان اول اورمیه گولینین آدالارینین تورکجه آدلارین فارسجایا چویرنلرده ائله همان آداملاریمیش که آذربایجانلیلاردان دایانیش گورندن سونرا بئله بیر بخشنامه نین صادر اولماغین داهیدیلار.
.................................
محمدصادق نائبی: حسن بی! سنده بو سورغونون جاوابین بیلرسن من ده، پان فارسیستلر بیر یئرین اوستونده تورکجه، کوردجه آدلاری سیغینانمیرلار. ساتغین تورکلرده بو مأموریتین یئرینه یئتیرمه گینده ال ـ قول سیندیریرلار. بونلار محمود افشارین، احمد کسروی نین یول گئدیجی سی لر دیلر. آغاجی اؤز قوردو یئمه سه آغکندی یالوارمازلار سپیدشهر ائده لر. آرخایین اولوز بوتون بو آدلار کؤکونه قاییداجاق.


yashar : 1388/10/26 - 23:41:42
سالام سئرداشلار
اولو تانریدان ایستییره م کی بو دوشونجه کی« آذاربایجان دا بوتون قوندارمالی فارسجا آدلار گرکدیر کی ده یی شیلسن»ائلیمیز آرا گئنیشلنرکن بیر میللی ایستک کیمی آدلانسین .


ائلشن مییانالی(elshen )1388/11/5 - 18:29:34
ساغول بی.
بو سیرادا، دوقتور سیمین فری ده یاددان چیخارمایاق کی بیر گؤزه ل کیتابینان (نگاهی نوین به اسامی کهن) بو یولدا گؤزه ل آددیم گؤتوروب و دستکله ملییق... میانانین کندوان ماحالی بهشتین بیر پارچاسی دیر سؤزو ، چوخ دوغرو بیرتعبیردیر آمما یوللاری دا منجه ائله صراه کؤپروسونه بنزه یر.
هر شئی ده ایراد چیخارماق دا چوخ راحاتدیر، آمما یولو دا بو اساسدا تاپاجاییق.
یئنه ساغ اول


استفاده از مطالب این سایت با ذکر منبع بلامانع است.
درج مطالب نویسندگان به منزله تأیید آن نیست. 1s