ایندیکی موجود قانونلاردان میانا دا نه قدر ایستیفاده اولونور؟ - حسن محمدپور
منبع : حسن

متن شماره 5: ایندیکی موجود قانونلاردان میانا دا نه قدر ایستیفاده اولونور؟بازدید کننده : 724 نفر

ده یرلی دوسلار

بیلیر سینیز ایران دا بیر سیرا قانونلار وار کی محروم و گئری ساخلانمیش یئرلر و منطقه لرین آباد و     ایرللشمه سیچون قبول ائدیلیب مثلا اوجمله دن "آمایش سرزمین" دن آد آپارماق اولار و یا بعضی قانونلار کی مثلا گئری قالمیش یئرلری "وئرگی دن(مالیات دان) معاف ائدیر  و یا تسهیلات آلماغ ایچون اولویت ده قرار وئریر.من بونا باخمایاراخ کی همیشه اورگیم میانا و آذربایجاندا اولوب و همیشه اونلارین اولایلارینان ایلگیلنمیشم آمما چوخ زامان دیر کی میانا دا یاشامیرام و نتیجه ده یاخیندان اوردا اجرا اولان صنعتی،اکینچیلیگ و یا باشقا طرح لرین اجرا اولوب و یا اولماماسیندان خبریم یوخدور.البته او قدر ده خبرسیز دئیلم آمما سیزلر کیمی کی دائم اوردا یاشاییرسینیز بیلمیرم. چون کی ایلده هئچ اولماسا بیر دفه آذربایجانا گلیرم ولی اوقدر گئنللشمه (توسعه) و ایرله مه ده گورمیرم . مثلا اورنگی ایچون میانا - ترک - خالخال یولون آد آپارا بیله رم کی کئچن 35 ایلین ایچینده اوقدر ده دوزلمه ییب و هله ده چوخ یئرلرینین آلچاغ اوجاسی وار و یا اصلا تورپاغ دیر و ایسفالت اولونماییب. .منیم ایشیم ایجاب ائدیر کی آز چوخ باشقا یئرلرین اوزللیکله مرکزی و گونئی(جنوب) منطقه لرین بو آد آپاردیغیم کیمی قانونلاردان فایدالانماغین گوریرم و هر زامان محروم قالمیش شهرلر و کندلریمیز یادیما دوشور . اوزوم اوزومه دئییرم گوره سن بیزیم شهرلریمیزین مسئوللاری، ملت وکیللریمیز و آیدیلاریمیزین بو قانونلاردان خبرلری واردیر؟ اگر واردیر بس نه دن چالیشیب بو قانونلاردان منطقه میز ایچون فایدالانمیرلار؟بیر کسین گوناهین یوماغ ایسته میرم بلکه ده فایدالانیرلار آمما بعضی گورونتیلر و شاخصلر آیری بیر شئی گورسه دیر.لطفا ممکن اولسا بو موضوعلاردان بیر آز بحث ائدین بلکه فایداسی اولا.



استفاده از مطالب این سایت با ذکر منبع بلامانع است.
درج مطالب نویسندگان به منزله تأیید آن نیست. 0s