«آسیانین ان یاخشی تکواندو مربی سی ایله صمیمی دانیشیق»- اوستاد فلاحی راد: مسئوللاردان راضی دئییلم - بهزاد زالی
منبع : قافلان نشریه سی، خرداد آیی، 70-جی سایی

متن شماره 2: «آسیانین ان یاخشی تکواندو مربی سی ایله صمیمی دانیشیق»- اوستاد فلاحی راد: مسئوللاردان راضی دئییلم بازدید کننده : 1163 نفر

«حسن فلاحی­راد»، 1353-جو گونش ایلینده مییانادا آنادان اولوب. تحصیلاتینی تجربی ریشته­سینده دیپلمادک بیتیریب. بوتون گنج­لیگین تکواندو اوغروندا قویاراق سارسیلماز ایراده­سی­ایله بو یولو داوام ائتمکده­دیر. «آذربایجان-ین بوتون ورزیشی-نین ان­یاخشی مربی­سی» مقامیندان علاوه 11 ایل اوستانین ان­یاخشی مربی­سی، 2 ایل ایرانین ان­یاخشی مربی­سی، کئچن ایل­ایسه آسیانین ان­یاخشی مربی­سی سئچیلیبدیر. اوستاد فلاحی­راد-ین شاگیردلری 80-جی ایلدن باشلایاراق 89-جو ایله­دک،200دن آرتیق بین الملی، آسیایی، جهانی و المپیک میدالی قازانیبلار. بو 200 میدالین، 150سی قیزیل­دیر. بو اولای دونیادا تایسیز نظره گلیر. ایندیسه اوستاد فلاحی­راد، مییانانین «پهلوان مسعود قدیمی» باشگاهیندا تکواندو مربی­سی­دیرلر.

اوستاد حسن فلاحی­راد (عکس : فرید پزشکی)

تکواندوایلا نئجه تانیش اولوب-باشلادینیز؟

«مجید هنرمند» آدلی بیر قونشوموز وارایدی. اونون اصرارلاری­ایله بو ورزیشی باشلادیم. دؤنه لرله منه «سنین یاخشی استعدادین وار، سنین بدنینین فورمو بو ورزیشه چوخ اویغوندور و...» دئیه رک منی تکواندویا ماراقلاندیردی. دفعه­لرله آنامدان تکواندو پالتاری آلماق اوچون پول ایسته­دیم آنجاق وئرمه­دی­لر! قیساسی، اؤز جیب خرجلیکلریمی توپلاییب پالتار آلدیم و 8-جی صینیفی (دوم راهنمایی) اوخودوغوم زامان ایلک مربیم آقای «فرهنگ اطهری»-نین کیلاسیندا آد یازدیردیم و تکواندونو باشلادیم.

جنوبی کره­نین «دونیا تکواندو قهرمانلیغی» یاریشلاریندا شاگیردلرینیزین ایکیسی­ده (یوسف کرمی و فرزاد عبدالهی) قیزیل میدال آلدی­لار. بو حاقدا نه دوشونورسونوز؟

جنوبی کره­نین دونیا قهرمانلیق یاریشلاریندا، ایلک دفعه اولاراق ایران قهرمان اولدو. بوندان اؤنجه بو یاریشلارین بوتون دؤورلرینده کره قهرمان اولموشدو آنجاق بو دؤنه ایران 3 قیزیل میدال­لا بؤیوک اوغور قازاندی و قهرمان اولدو. 3 قیزیل میدالین ایکیسینی مییانالی­لار قازاندی. شاگیردلریمین کره­ایله برابر ایکی قیزیل میدال قازانماسی­دا ماراقلی­دیر.

یوسف کرمی، اوستاد حسن فلاحی­راد، فرزاد عبدالهی  (عکس : حسین بهادر جنابلارینین ایمئیلی ایله الیمه چاتمیش)

گله­جک المپیک یاریشلاریندان دئیین، شاگیردلرینیزدن لندن 2012 المپیک­ینده میدال آلاجاقلارمی؟

یقین لندن المپیک­ینده ایرانین بیر نماینده­سی مییانالی اولاجاق. ایندیدن المپیکده مییانالی تکواندوکارین میدال آلاجاغینا سؤز وئریرم. 2016 المپیکینه ایرانین هر ایکی نماینده سی مییانادان اولماق اوچون برنامه دوزنله­میشم. حتی منیم 2020 المپیکینه­ده برنامم وار.

همشهری­لر و مسئول­لار سیزی نئجه قارشیلاییرلار؟ اونلاردان راضی­میسینیز؟

مییانالی­لار سایقیلی و یاخشی اینسان­دیرلار، قدربیلن­دیرلر آنجاق آرالاریندا الیمی سویودانلاری­دا وار اؤزللیکله بعضی مسئول­لار.اوست-اوسته همشهری­لردن راضی­یم آنجاق مسئول­لاردان چوخ گیلایم وار. نماینده­لردن کی هئچ راضی دئییلم، هئچ بیریسیندن.

مییانالی تکواندوکارلارین نه موشکول­لری وار؟

ان اؤنملی موشکول یئریمیزین کیچیکلیگی­دیر. تمرین ائتمه­یه موناسیب مکان یوخوموز. البته یئنی سالونون تیکیلمه­سی قورتاریرسا بو موشکولوده حل اولونموش دوشونورم.

سیزجه ایران تکواندوکارلارین اول 5 نفری کیم­لردیر؟

منجه «محمد باقر معتمد» ایرانین ان­یاخشی تکواندوکاری­دیر. آنجاق بوتون ایراندان 5 نفر سئچیرمسه اونون 3 نفری مییانالی­دیر. ترتیبله دئسم محمد باقر معتمد، فرزاد عبدالهی، یوسف کرمی، علیرضا نصر و مرتضی شیری بو ورزیشین ان­یاخشی­لاریدیرلار.

فیکرینیزی چوخ مشغول ائدن مسئله نه­دیر؟

ایشسیزلیگیم.ائویم یوخ، ماشینیم یوخ، حتی بیمه­ده دئییلم. بئله مسئله­لر فیکریمی چوخ مشغول ائدیر.

 بیلدیییمیزه گؤره باشقا اؤلکه­لردن سیزه یاخشی پیشنهادلار وئریلیب، نه­دن یئنه مییانادا قالیبسینیز؟

بلی، نئچه اؤلکه­دن منی دعوت ائدیبلر، آنجاق یوردوما باغلیلیغیم و مییانامیزین سئوگیسی بورادان چیخماغیما اجازه وئرمیر. شاگیرلریمه گؤره بورانی ترک ائده بیلمیرم.

شاگیردلرینیزدن نه اومورسونوز؟

حؤرمت، سایقی و جامعه­ده یاخشی داورانمالارینی اومورام. مَردم­-ون الیندن توتسون­لار، اونلارا کؤمک ائتسین­لر. ایفتیخار یاراتدیقجا مغرورلانمالارینی یوخ آرتیق متواضع اولمالارینی ایسته ییرم. شاگیردلریمین جامعه­ده مثبت داورانیشلاری اولورسا منیم باش اوجالیغیما، باشقا یول­لارا چکیلیب منفی داورانیرسالار منیم شرمنده چیلیگیمه سبب اولاجاقلار.

یئنی یئتمه لره-گنج لره نه اؤیودونوز وار؟

ایش­بیلنبؤیوکلرین سؤزلرینه باخسین­لار، تجروبه­لریندن فایدالانسین­لار. جوانلیق کوچه­ده، خییاواندا وئلله­نمک دئییل، گله­جه­یه برنامه تؤکوب فیکرینده اولماق­دیر. مسئول­لارا اؤیود وئرمه­یی گنج­لردن واجیب بیلیرم! همشری­لرین فیکرینده اولسون­لار، شهره اورک یاندیرماق گرکدیر. ایشلرینی یالان وعده­لرله ایره­لی سورمه­سینلر.

تانری­دان نه دیله ییرسینیز؟

یئنی­دن اوشاق اولماغیمی. بیرداها اوشاق اولسام، تکواندو دالیسینجا گئتمه رم! شاید بعضی حاقسیزلیقلاری بیرداها گؤرمه­دیم!

سون سؤزونوز؟

سوندا تکواندو هئیت-­ین رئیس-­یندن انتقادیمی بیلدیریرم. فنی دئییل­لر، گرکلی اولان تخصص­لری­ده یوخدور. آچیقجاسینا دئییرم، مییانادا تام تکواندو قوللوغوندا اولان بیرجه شخص، منم.


دانیشیق آپاران : بهــــــــزاد زالـــــــــــی

سؤزلوک

ایلک : نخستین                                                             یاریش : مسابقه

دؤنه : دفعه                                                                  اؤنملی : مهم

اوغور: موفقیت                                                            داورانماق : رفتار کردن / داورانیش : رفتار

دوزنله­مک: ترتیب دادن                                                  اؤیود : نصیحت

قارشیلاماق : برخورد کردن، استقبال کردن                           ایره لی سورمک : پیش بردن

اؤزللیکله : مخصوصاً                                                       دیله ک: آرزو، خواهش


اوستاد فلاحی شاگیرلرایله مشق ائدرکن (عکس : فرید پزشکی)

اوستاد فلاحی شاگیردلرایله بیرلیکده (عکس : فرید پزشکی)

 


بهزاد زالی : گونئی کره-نین یاریشلاری قورتاردیقدان سونرا میللی قهرمان­لاریمیزین کوتله طرفیندن (دئمیرم یاخشی!) آلقیشلاندیغینی مسئول­لار طرفیندن­ایسه (یئنه دئمیرم یاخشی!) تقدیر اولونمالارینی گؤردوک. آنجاق بو میللی قهرمان­لارا اؤیرتیم وئرن، ایل­لر بویو عؤمرونو تکواندو اوغروندا حصرائدن «اوستاد فلاحی» آرتیق آلقیشا-تقدیره لاییق دئییل­لرمی؟

قیسا زامان سوره­سی اوستادین شاگیردی اولما شرفینه ناییل اولدوغومدان آرتیق جسارت آلاراق قوللوقلارینا چاتیب بو اولای­لارلا باغلی دانیشیق آپارماق ایسته­دیم. اوستادایسه آلچاق­کؤنوللوکله منیم دیله­ییمی یئرینه یئتیردی­لر. دانیشیقلاریمیزین قیساسین بو سیته نین سئویملی اوخوجولاریلا پایلاشماق ایسته­دیم.

بیرداها ایسته­کلی آرخاداشیم، سایین «فرید پزشکی» جنابلارینا چکدیگی زحمتلرینه گؤره میننتدارلیغیمی بیلدیریرم.



سامان رفیعی : 1390/4/7 - 18:31:27
آقای فلاحی راد مربی زحمتکشی هست.
ولی یوسف کرمی شاگرد ایشان نمی باشند.
استاد میانه ای یوسف کرمی ، استاد حسین اکرمی بودند که چندین سال قبل به دلایل نامعلومی از میانه کوچ کردند.
و بعد از ایشان کرمی زیر نظر مربیان تیم ملی در تهران تمرین می کنند.


محمدصادق نائبی(msnaebi )1390/4/8 - 10:12:12
:
زالي جنابلاري! گؤندرديگينيز يازي دان اؤنجه، سيزين ياخشيراق توركجه يازماغينيزدان چوخ ماراقلانديم. بير كره اوخوياندان سونرا يئنه اوخوماق ديله ييب يئنيدن يازديغينيز اييي سؤزو اوخودوم. بوتون ميانالي قاهرامانلارا جان ساغليغي آرزيلاياراق سيزه ايسه باش اوجاليق ديله ييرم.


بهزاد زالی(BehzadElyar )1390/4/9 - 00:47:38
:
سلاملارلا
حؤرمتلی اوستاد نائبی
سیزه یازاجاغیم سؤزلر بو کامئنته سیغمادی! ایمیل اولاراق سیزه گؤندردیم.
تانری دان سیزه جان ساغلیغی دیله ییرم.


اصغر عزیزی اقدم : 1390/4/18 - 23:48:28
قهرمان تکواندو ایران زمین . متا سفا نه نگذاشتن به تیم ملی راه پیدا کند از جمله اعضای باشگاه البرز


اصغر عزیزی اقدم : 1390/4/23 - 04:55:30

من انشاال..... در اینده کل میدم دیگر عنواندارویکی از پدیده های تکواندو وافتخار افرینی شهرستان میانه باشم . واین را ثابت می کنم . وبا قدرت ادامه خواهنم داد. فقط با کمی حمایت بشم . هرکس یک قدم به طرف من بیاید من 1000 قدم به طرفش میرم .تمام.


حسین عبدی : 1390/4/24 - 17:50:51
من فلاحی راد رادوست دارم قبلا با من هم شاگردی بود
تو یه باشگاه کار میکردیم تو باشگاه تکاور زیر نظر استاد راهدان حسین اکرمی


اشکان ملکی(sgayeg )1390/4/24 - 18:06:44
:
من فلاحی را دوست دارم


اشکان ملکی(sgayeg )1390/4/24 - 18:10:29
:
من خوشحالم منم تکواندو کار کردم کمر مشکی دادن 1


اشکان ملکی(sgayeg )1390/4/24 - 18:22:26
:
خدا پشت پناه آقای فلاحی راد باشد


اشکان ملکی : 1390/4/25 - 18:44:05
آقای فلاحی مثل بروسلی گارد میگیره
مثل کوه استوار و جدی خدا کنه منم ببره تیم ملی اگه هم نبرد ببره لیگ


اشکان ملکی(sgayeg )1390/4/26 - 12:46:03
:
من چند بار اونو دیدم


حسین صالکی : 1390/4/27 - 16:32:49
اون یه مریی حرفه ای هستش حق اونو خوردن
وبا 4 شاگرد خانه نشینش کردن او باید مربی تیم های خارجی باشد ویا فراتر


صلاحی : 1390/4/27 - 18:12:05
فکر کنم مربیان شایصته ای چون او لیاقت در لیگهای کره و اروپا را دارد من اونو خیلی دوست دارم


بهزاد زالی(BehzadElyar )1390/4/29 - 15:52:14
:
با تشکر از نظرات دوستان عزیز. همانطور که جناب آقای صالکی نیز اشاره کردند حق این مربی پرافتخار آنگونه که باید ادا نشده و با داشتن 4 شاگرد در تیم ملی باز وی را خانه نشین کردند.
http://khabarfarsi.com/n/368057


استفاده از مطالب این سایت با ذکر منبع بلامانع است.
درج مطالب نویسندگان به منزله تأیید آن نیست. 0s